«2015»Í dag«Feb»
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28  
M T M H F L S

Addressa

Tórshavn
Postadressa
Box 1110
Jøkulstræti 4
110  Tórshavn

 

www.Kiwanis.is
www.kiwanis.org
www.kiwanis.no

    
 
    
   

Kiwanis fyllir 100 ár


Kiwanis Tórshavn ynskir øllum eitt Gott Nýggjár og takkar fyri stuðulin í sambandi við jólatræssøluna í desember. Øll 900 bíløgdu jólatrøini vórðu seld.

Tann 21. januar 1915 varð altjóða góðgerandi felagsskapurin, Kiwanis, stovnaður, og hevur nú sostatt 100 ár á baki. Kiwanis Tórshavn, sum er væl yngri, hevur seinnu árini latið fleiri milliónir krónur til góðgerandi endamál í Føroyum. Í 2013 rindaði Kiwanis Tórshavn stívar 300.000 krónur til slík endamál.

Tey, sum keypa jólatræ í desember frá felagsskapinum og somuleiðis lutaseðlar undan og á Ólavsøku, stuðla børnum og barnafamiljum eins og øðrum treingjandi, ið hava hjálp fyri neyðini. Í samfull 10 ár lat Kiwanis ókeypis hjálmar til øll skúlabørn í 1. flokki í Føroyum. Sostatt eigur stórur partur av føroyskum heimum ein Kiwanishjálm.

Tað eru trý Kiwanis feløg í Føroyum. Umframt Kiwanis Tórshavn, eru Kiwanis Rósan og Kiwanis Eysturoy.

Orðið Kiwanis er úr indianskum máli og merkir "vit byggja".

Á myndini sæst Kiwanishúsið, sum liggur í Eysturstræti í Havn. Sjálvur nýtir felagsskapurin kjallarahæddina, meðan ovara hæddin er leigað út til Tórshavnar kommunu, har dagtilhaldið "Stjørnulon" húsast.